¿#LluchandoPolaSoberanía?

¿Qué ye #LluchandoPolaSoberanía?

#LluchandoPolaSoberanía naz en 2014 como una iniciativa llanzada dende l’Espaciu La Llegra, asitiáu d’aquella nel desagospiáu CSOA La Madreña d’Uviéu, xunto con estremaes organizaciones soberanistes col enfotu d’axuntar a les persones de sensibilidá soberanista baxo un mesmu paragües nes distintes feches de reivindicación del calendariu asturianu en convocatories d’organizaciones afines asina como convocatories propies como les del 25 de mayu y 8 de setiembre. Asina, cola fórmula de los “Bloques Soberanistes #LluchandoPolaSoberanía” da’l so primer pasu’l Primeru de Mayu pa siguir demientres 2014 y 2015 participando en delles manifestaciones (Oficialidá, antitaurina, llaborales, antirrepresives, etc).

Un pueblu en movimientu mirando al futuru

Llegáu 2016, l’analisis del camín recorríu ye buenu, non solo teniendo afitada la presencia y visibilidá na cai del soberanismu asturianu, sinón qu’amosando buena salú y potencial de crecimientu. Por ello decídese que ye preciso dar un pasu más allá, surdiendo la iniciativa de la campaña “Un pueblu en movimientu mirando al futuru”  con dos oxetivos claros:

Afitar y dar forma a una organización o coordinadora qu’axunte tanto a persones como a coleutivos soberanistes y tenga la capacidá d’establecer calces de comunicación afayaízos ente elles asina como la de ser altavoz autorizáu y coordinador d’oxetivos a algamar. Siempre baxo unos pegollos básicos: anti-capitalismu, feminismu y soberanismu.

Amosar que’l soberanismu asturianu nun ta muertu nin sumíu n’organizaciones electoralistes de calter estatal. Más al contrariu, el soberanismu asturianu ta vivu y dispuestu a amosar que, como n’otres naciones del mundu, la llucha pola soberanía de los pueblos contra los caducos estaos-nación ye la vía más avanzada pa la lliberación social.

“Un pueblu en movimientu mirando al futuru”

Advertisements